Ils Websters

A moda concisa

Ina gronda part da la populaziun posseda in telefonin e savens èsi in smartphone nov. Nus remplazzain noss telefonin en media mintga 15 mais – er sch’i na fiss betg necessari. Tge che capita cun il telefonin vegl interessa mo paucs. Blers da nus n’èn numnadamain betg conscients quant blera lavur che sa chatta vairamain en uschè in apparat.

Ditg pli simpel: L’emprim vegn elavurà il design en la sedia principala dal producent respectiv. La materia prima deriva dentant da differents pajais sin il mund. Il cobalt per l’accu vegn p.ex. explotà en il Congo. Là èn las cundiziuns da lavur savens indegnas d’in uman. Il medem vala savens er per metter ensemen ils tocs singuls dals apparats en China u en l’India: lungs dis da lavur, adina la medema occupaziun ed ina nauscha paja.

Silsuenter vegnan ils smartphones vendids tar nus per bler daners. I n’ans interessa betg propi danunder ch’ils telefonins vegnan. Anzi, tut quai che quinta è dad adina avair la pli nova e meglra versiun. Cun in diever durabel da quests apparats mussain nus respect tant envers la natira sco er envers ils umans, grazia als quals nus pudain a la fin tegnair enta maun il product finì.

Tips

Dovra tes smartphone uschè ditg sco pussaivel ed al lascha reparar, sche pussaivel. La meglra soluziun, e la suletta soluziun vairamain favuraivla per l’ambient è da duvrar in smartphone uschè ditg sco pussaivel.
Regala tes smartphone ad insatgi, sche ti n’al vuls betg pli. Uschia prolungheschas ti sia durada da vita. Forsa sa legra ina confamigliara, in confamigliar, ina amia u in ami da tes regal! Er organisaziuns d’agid èn engraziaivlas per donaziuns da telefonins!
Sche tes smartphone na po effectivamain betg pli vegnir duvrà, procura ch'el vegnia dismess sco ch’i tutga!

Ulteriurs infurmaziuns

A moda concisa

Tips

Link

Contact

Trametter emagl

l'istorgia

A moda concisa

Tips

Contact