Ils Websters

A moda concisa

Tgi che vul s’inamurar ozendi, chatta en las raits socialas ed en las bursas da partenaris online ina schelta bunamain infinita da potenzialas dunnas dals siemis e da pussaivels prinzis da paraulas da tut il mund. Ma attenziun! Na crai betg tut quai che stat scrit en ils profils, oravant tut sche quels èn bunamain memia perfetgs per esser vairs. Sajas prudenta resp. prudent, sche ti scrivas en il chat cun persunas, da las qualas ti n’enconuschas anc betg la vaira identitad.

Sch’ina persuna ta supplitgescha d’emprestar daners (p.ex. per il bigliet da sgol per ta scuntrar), duessas ti esser alarmada resp. alarmà. En la plipart dals cas na vegn quella persuna numnadamain ni a cumparair ni a pajar enavos ils daners emprestads.

Tips

Na revelescha mai infurmaziuns davart tia vita intima en l’internet, na transferescha mai daners e na trametta naginas sexy fotografias da tai, avant che ti n’has betg scuntrà tes visavi almain ina giada en la vita reala ed avant che ti n’es betg segira resp. segir che la persuna è sincera.
Banduna immediat la discussiun e senza dir adia, uschespert che ti has l’impressiun che la persuna haja nauschas intenziuns.
Las maschinas da retschertga ta pon gidar da verifitgar ils profils d’utilisaders e las fotografias utilisadas.
Envida tes nov ami u tia nova amia ad in chat audiovisual. Quai è numnadamain la via la pli svelta per demascrar ils engianaders, perquai che quels na vulan mai discurrer «live» e mai mussar lur vaira fatscha.
Infurmescha tes amis e tia famiglia, sche ti ta scuntras vairamain per l’emprima giada cun ina persuna, e fa giu cun ella en in lieu public.

Ulteriurs infurmaziuns

A moda concisa

Tips

Link

Contact

Trametter emagl

l'istorgia

A moda concisa

Tips

Contact