Ils Websters

A moda concisa

Pajassas ti p.ex. plirs tschient francs a spediturs d’ina adressa dad e-mail nunenconuschenta che pretendan da t’avair fotografà u filmà durant consumar pornografia? Natiralmain betg. Ma tge, sche ti fissas vairamain stada resp. stà sin ina tala pagina d’internet curt avant che retschaiver il e-mail?

Quest rampign d’engion vegn numnà «fake sextortion». I ta vegn fatg crair che criminals hajan haccà tes telefonin cun agid d’ina reclama sin la pagina d’internet ed hajan fatg fotografias u videos da tai. Els smanatschan da publitgar quai, sche ti n'als pajas nagins daners da liberaziun. Tipicamain vegni pretendì in pajament en bitcoins, per ch’il speditur restia anonim e per che la transacziun na possia betg vegnir suandada.

Quests e-mails da smanatscha vegnan tramess ad uschè bleras persunas sco pussaivel, sperond che l’adressat haja visità ina pagina cun cuntegns pornografics curt avant che retschaiver il e-mail. Sin tut il mund vegnan fatgs butins da blers milliuns cun quest tric. El funcziuna, perquai che tschertas persunas han effectivamain visità talas paginas d’internet curt avant che retschaiver in da quests e-mails. Ellas sa turpegian per quai e sa laschan tementar cun talas emprovas d’extorsiun.

Ins na duai però mai pajar daners da liberaziun, perquai che l’extorcader vegn a dumandar suenter mintga transferiment anc dapli daners ed a pretender ch’el possedia anc adina las fotografias ed ils videos. En realitad n'è l’engianader però mai stà en possess da tals documents.

Tips

Na transferescha mai daners, sche ti vegns messa resp. mess sut squitsch cun in e-mail. Ignorescha quel e discurra surlonder cun ina persuna da confidenza.
Na clicca mai sin in link en e-mails nunusitads u dubius e n’inditgescha mai datas, sco p.ex. tes login.

Ulteriurs infurmaziuns

A moda concisa

Tips

Link

Contact

Trametter emagl

l'istorgia

A moda concisa

Tips

Contact